ಸಂಭ್ರಮ

ನವಿರಾದ ಕಂಪನದಲಿ ತೇಲಿದೆ ಮನ,

ತಂಗಾಳಿಯು ಬಿಗಿದಪ್ಪಿದೆ ಒಂದು ಕ್ಷಣ.....

ಅಚ್ಹರಿಯ ಕಂಗಳಲಿ ಲಜ್ಜೆಯ ಹೊಳಪು,

ರಂಗೇರಿದ ಕೆನ್ನೆಗೆ ಒಂಥರಾ ನುಣುಪು.......

ಕಾರಣ ತಿಳಿಯುತ್ತಿಲ್ಲ ಈ ಸಂಭ್ರಮಕ್ಕೆ,

ತಿಳಿಯುವ ಹಂಬಲವಿಲ್ಲ ಈ ಗರಿಬಿಚ್ಚಿರುವ  ನವಿಲಿಗೆ.......

ಹೊಳೆಯ ದಂಡೆಯಲಿ ಕೂತು ನಾಚಿ ನೀರಾಗುತಿರುವೆ,

ಸೂರ್ಯನ ಕಿರಣವ ಬಾಚಿ ಬಾಚಿ,

ಬಚ್ಚಿಡುವ ನೀರಿನ ಪರಿಗೆ ಕಂಗಾಲಾಗಿರುವೆ.....

ನನಗರಿವಿಲ್ಲದೆ ನನ್ನ ನಡುವಿಗು ಲಜ್ಜೆ ಬಂದಿದೆ,

ನನ್ನ ನಡುವ ನೋಡುತ,

ರವಿಯ ಮೊಗವು ರಂಗೇರಿದ ಹೂವಿನ ರಾಶಿಯಾಗಿದೆ........

ಅಯ್ಯೋ ಪೆದ್ದು ಮನವೇ,

ಮರೆತೆಯ ಕಾರಣವ???

ನಡೆಯುತ ಸಂಭ್ರಮದ ಹಾದಿಯಲಿ......

ಕಾರಣ ಹುಡುಕುವ ಹಂಬಲವಿಲ್ಲ,

ಸಂಭ್ರಮದ ಹಾದಿಯಲ್ಲಿ ನಡೆಯುವಾಗ....

ನನ್ನ ಇನಿಯನ ನೆನಪು,

ಅಣು ಅಣುವಲ್ಲು ಸಂಧಿಸಿರುವಾಗ.....

ಅವನ ಮುತ್ತಿನ ಮತ್ತಲ್ಲಿ ತೆಲಾಡುತಿರುವೆ,

ಬೆಲೆ ಕಟ್ಟಲಾಗದ ಅವ ನೀಡಿದ ಮುತ್ತನು,

ಕಪ್ಪೆಚಿಪ್ಪಲ್ಲಿ ಭದ್ರವಾಗಿಟ್ಟಿರುವೆ....

ಮತ್ತೊಂದು ಮುತ್ತಿಗೆ ಕಾಯುತ್ತಿರುವೆ ಇನಿಯ,

ಕೊಡಲಾರೆಯ????

ನೀ ನೆನಪಾದಾಗಲೆಲ್ಲ ತುಂಟತನ ಮೈ ತುಂಬಾ ಹರಿದು,

ಬೀಸುವ ತಂಗಾಳಿಗೆ ನಾಚಿಕೆಯ ಹೊದಿಕೆ ಹೊದಿಸಿ,

ಮಾನವ ಬೆಚ್ಚಗಾಗಿಸುವ ಆಸೆ ಕಣೋ......

ಆದರೆ ಅರಿವಿಲ್ಲದೆ ನಾಚಿಕೆ ಮೈಇಂದ ಹರಿದು,

ಮನ ತಂಗಾಳಿಯೆಡೆಗೆ ವಾಲುವಾಗ,

ಪುಟ್ಟ ಕಂಗಳಲಿ ಅಚ್ಚ್ಹರಿಯ ಧಾರೆ ಸುರಿಯುವುದು ಕಣೋ....

ಈ ಸಂಭ್ರಮದ ಹಾದಿ ಕೊನೆಯಾಗಲಾರದೆಂಬ,

ಭರವಸೆಯಿಂದ ಸಾಗುತಿರುವೆ....

ಕೊನೆಯಾದರು ನೋವಿಲ್ಲ,

ತಿರುಗಿ ಮತ್ತೆ ನಿನ್ನೆಡೆಗೆ ಪಯಣ.....

ಅದೇ ಮುತ್ತು, ಅದೇ ಅಪ್ಪುಗೆ, ಅದೇ ತುಂಟತನ.......

ಈ ಪಯಣ ಎಂದೂ ಕೊನೆಯಾಗದ ಮೋಹಕ,

ನನ್ನ ಅಣು ಅಣುವಲು ನೀ ಬೆರೆತಿರುವ ತನಕ..........